Esta colección representa, sen dúbida, un caso excepcional na historia da literatura, ó estar reunidos, nunha mesma institución e baixo un mesmo teito, a maior parte dos manuscritos da obra dun autor.
A través das súas páxinas manuscritas pódese realiza-la xenética textual de cada unha das súas obras: a un primeiro manuscrito, cunha letra que co paso dos anos facíase máis diminuta pero sempre moi clara e lexible, segue unha primeira copia mecanografada na que o autor fai múltiples correccións, en moitos casos verdadeiros galimatías; suceden a esta copia moitas outras con máis correccións ata a versión final que tras todo este proceso creativo foi levada á imprenta.
Ademais dos manuscritos de Camilo José Cela, nesta colección pódense atopar manuscritos doutros autores como Pío Baroja, Federico García Lorca, Vicente Aleixandre, Dámaso Alonso ou Ramón Otero Pedrayo
Fundación Pública Galega Camilo José Cela 