A exposición “Proxecto Libertas” volve a amplíar a súa estadía no Museo Camilo José Cela ata o 18 de maio

Dado o éxito de público e crítica que segue acadando esta exposición entre todo aquel que a visita, a Fundación Pública Camilo José Cela prolonga de novo e ata o mes de maio a mostra “Proxecto Libertas” de Olegario Sampedro.

Esta exposición, promovida pola Fundación Pública Camilo José Cela en colaboración co Centro PEN Galicia, o Instituto de Mediación Educativa de Ribeira-IMER (centro que recentemente foi galardoado co Premio pola Paz, concedido pola Deputación de A Coruña), o Concello de Padrón e o IES Macías o Namorado, pretende reivindicar os valores democráticos a través da expresión artística.

Neste sentido, Olegario Sampedro, Presidente do IMER e autor das pezas, apunta que estes valores “son un imperativo ético que se constrúe”, e “que a paz se conquista”, lembrando que nos tempos de hoxe se debe traballar no recoñecemento da liberdade de opinión e expresión recollido no Artigo 19 da Declaración Universal dos Dereitos Humanos.

As  pezas de Olegario Sampedro, en homenaxe a escritores e xornalistas como Susana Chaves, Federico García Lorca, Orhan Pamuk, Xosé Luis Méndez Ferrín, Mae Azango ou Liu Xiaobo, atópanse integradas no percorrido do Museo dedicado ao premio Nobel padronés. Poden visitarse en horario de martes a sábado, de 10.00 a 13.30 e de 16.00 a 18.30 h.

NOTA IMPORTANTE: Durante a Semana Santa o Museo Camilo José Cela abrirá o martes 16, o mércores 17 e o sábado 20 nos seu horario habitual.

Publicación conmemorativa do centenario de Camilo José Cela

Onte presentouse na Cidade de Cultura de Galicia, baixo o título “Camilo José Cela (1916-2016). O centenario dun Nobel. Un libro e toda a soidade”, unha compilación de artigos de distintos autores coa que pretendemos ofrecer unha visión global do autor de Iria Flavia tanto no que se refire á súa traxectoria literaria como persoal.

No acto de presentación do libro, o conselleiro de Cultura e Educación e Presidente do Padroado, Román Rodríguez, asegurou que se trata dunha “obra singular”, na que se reúnen diversos puntos de vista sobre aspectos esenciais da vida e obra de Cela que “ilumina o conxunto da súa existencia e o seu desempeño creativo”.

A publicación recolle a visión de especialistas e intelectuais coma Darío Villanueva, César Antonio Molina, Adolfo Sotelo ou Ernesto Sánchez Pombo. Así mesmo inclúe un apéndice relativo á exposición homónima que tivo lugar na Biblioteca Nacional de España e no Museo Centro Gaiás ao longo de 2016 con motivo do centenario do nacemento de Cela co fin de reforzar o coñecemento da súa figura, da súa obra e do seu legado.

A publicación contou co patrocinio e colaboración da Xunta de Galicia, de Acción Cultural Española, da Biblioteca Nacional de España, da Universidade Camilo José Cela e da Universidade de Barcelona. O libro, de carácter non venal, está a disposición dos interesados nos seguintes enlaces, nos que se pode descargar de xeito totalmente gratuíto:

Libraría da Xunta de Galicia:

https://libraria.xunta.gal/gl/camilo-jose-cela-1916-2016-el-centenario-de-un-nobel-un-libro-y-toda-la-soledad

 

Acción Cultural Española:

http://www.accioncultural.es/es/cjc_2016_centenario_nobel_ebook

Exposición “CJC: 1916-2016. O Centenario dun Nobel. Un libro e toda a soidade”

Dende o 5 de xullo e ata o 25 de setembro a Biblioteca Nacional de España en Madrid acolle unha nova exposición organizada pola Fundación Pública Galega Camilo José Cela, Acción Cultura Española e a Biblioteca Nacional.

Baixo o título de “CJC:1916-2016. O Centenario dun Nobel. Un libro e toda a soidade”, mais de seiscentas pezas, organizadas  cronolóxicamente seguindo a vida de CJC (1916-2002), amosan ao poliédrico escritor padronés: novelista, articulista, dramaturgo, poeta, académico, editor, pintor, coleccionista, actor, vagabundo… Todas estas personalidades conviven nun espazo que percorre a vida dun dos escritores mais importantes da segunda metade do século XX.

A súa aventura persoal, intelectual, literaria e artística poden observarse dende o manuscrito de A colmena ou a primeira edición de A familia de Pascual Duarte, ata os seus óleos expostos no ano 1947 en Madrid e na Coruña, ou os  seus recoñecimentos, entre os que destacan o premio Nobel, o Cervantes e o Princesa de Asturias. Todo iso sen esquecer o seu Viaxe á Alcarria ou a triloxía de novelas de temática galega: Mazurca para dous mortos, A cruz de San Andrés e Madeira de buxo.

Unna gran mostra que dá conta da enorme personalidade de Camilo José Cela, así coma da súa capacidade de traballo e de todo o legado que deixou en Iria Flavia, para, segundo as súas propias palabras, “devolver a Galicia o moito que Galicia me deu”.

Nova exposición: “Compañías convenientes”

Hoxe a Fundación Pública Galega Camilo José Cela presenta unna nueva mostra titulada “Compañías convenientes (diálogos contemporáneos co el home poliedro)”, que conta co comisariado de Paula Cabaleiro e a asistencia de Íñigo Rodríguez.

Na devandita exposición, doce artistas contemporáneos amosan as súas pezas de arte en interacción coas obras que se conservan na sede de Iria Flavia. Trátase dunha interesante síntese entre distintas vertentes creativas: dunha banda, a nómina excepcional de artistas contemporáneos que reinterpretan a súa arte para integrala no discurso museográfico da Fundación; doutra banda, o escritor padronés e o seu legado, que resume os momentos vitais de Camilo José Cela. Xuntos conducirán ao público polas distintas salas da Fundación amosando unha grande diversidade de traballos de arte contemporánea.

A exposición estará abierta ao público dende o 20 de maio ao 24 de setembro, en horario de martes a sábados, de 10.00 a 14.00 y de 16.00 a 19.00 h.

11 de maio de 2016: Actos do Centenario de Camilo José Cela na Fundación

O 11 de maio de 1916 nacía en Iria Flavia Camilo José Cela:

“Ás nove e vinte da noite do día 11 de maio de 1916, xoves, vin a este val de bágoas na casa do paso a nivel de Iria Flavia, concello de Padrón, diócese de Santiago de Compostela, provincia da Coruña, banda de estribor da ría de Arousa, alá onde se atopan os ríos Sar e Ulla” (A rosa, 1959).

Por mor deste acontecemento, o vindeiro 11 de maio de 2016 a Fundación Pública Galega Camilo José Cela vístese de gala e conmemora unha data tan especial por todo o alto. Os actos que se celebrarán son gratuitos e abertos a tódolos que desexen acompañarnos na nosa rendida homenaxe. Aquí vos deixamos o listado de actividades:

DEBIDO A UN CAMBIO DE AXENDA, HABERÁ UNHA LEVE VARIACIÓN NO HORARIO DOS ACTOS DA MAÑÁ:

ACTOS DA MAÑÁ:

11:30 – Ofrenda floral polas autoridades na tumba do escritor no Cemiterio de Adina (Iria Flavia).

12:00 – Conferencia “Cela no seu centenario”: no Paraninfo da Fundación, por Luis Iglesias Feijoo, padroeiro da institución.

Actos da tarde:

Acto de clausura do Clube de lectura “Anagnósis”2016, Paraninfo da Fundación.
17:00 – Proxección da curtametraxe “Viaje a la Alcarria”, nominado á mellor curtametraxe nos Goya 2016.
17:30 – Charla coloquio con Tomás Cimadevilla, director da curtametraxe .

Actos da noite:

22:30 – Vídeo-proxección sobre a fachada da Igrexa de Santa María de Adina.
(en caso de choiva, poderáse vela vídeo -proxección dende as fiestras e balcóns da Fundación).

Esta vídeo-proxección poderáse ver tamén os días 12 e 13 de maio ás 22:30.

¡Esperámosvos en Iria Flavia!

Exposición sobre Cervantes na Fundación

Vense de inaugura unha nova exposición na sede de Iria Flavia: xa está aberta ao público a mostra “Miguel de Cervantes: o roubo do rucio de Sancho”. A Fundación únese, así, aos actos de homenaxe que este ano se lle renden ao escritor universal ao cumplirse o 400 aniversario do seu pasamento, acaecido en 1616.

Nesta exposición pódense contemplar varias edicións de O Quixote pertencentes á colección de Camilo José Cela, algunhas delas editadas no século XVIII; a esta curiosa colección únense edicións facsimilares da gran novela do século XVII, así coma edicións noutras línguas, tal é o galego, o esperanto, o grego ou o italiano, ésta última ilustrada por Salvador Dalí.

Manuscritos dos artigos escritos por Camilo José Cela sobre o Manco de Lepanto ou a súa obra expóñense xunto a discursos de ingreso na Real Acaemia Española ou a revista Papeles de Son Armadans, cun contido que versa sobre o autor de Alcalá de Henares.

E, coma nota de color, algunhas caricaturas de Camilo José Cela caracterizado coma Cervantes ou mesmo coma don Quixote, completan a exposición, mostra inequívoca da gran admiración que o escritor padronés profesaba a Miguel de Cervantes.

A exposición permanecerá aberta ata o mes de abril, en horario de martes a sábados de 10.00 a 14.00 e. de 16.00 a 19.00 h.

 

V concurso de microrrelatos

Continuando cos actos programados para a conmemoración do Centenario do nacemento de Camilo José Cela, a Fundación convoca a V edición do seu concurso internacional de microrrelatos nas categorías de infantil, xuvenil e adultos. Esta edición presenta un carácter especial conmemorativo e por iso rendirase homenaxe ao libro de memorias infantís do escritor A rosa.

Esta V edición volve a contar co patrocinio de Ámbito Cultural de “El Corte Inglés” quen, por mor desta edición especial, amplía a dotación dos premios en cada categoría. Os traballos premiados serán publicados en edición dixital pola Fundación e o primeiro premio de cada categoría será obsequiado cunnha tableta dixital e unha tarxeta regalo de El Corte Inglés por valor de 300 €.

Todos os microrrelatos deberanse presentar a través da plataforma web do concurso e deberán comezar co arranque do libro de memorias infantís A rosa –na que o escritor narra as súas primeiras vivencias polas terras de Iria, Vilagarcía, A Coruña, Cangas,Tui e Vigo-: “Mi padre se llama como yo, y yo me llamo como mi hijo…”.

¡Animádevos a participar! Será a mellor homenaxe que poda rendirse ao premio Nobel galego.

http://microrrelatosfcjc.com/

 

Obradoiros de Nadal na Fundación

¿Qué vas facer os sábados, 26 de decembro e 2 de xaneiro cos pequenos da casa? Plantexámosvos unha opción: ven á Fundación eses días, de 12.00 a 14.00 h. e imos ofrecervos “Un Nadal moi animado”. Para tódolos nenos de 6 a 12 anos vimos de preparar uns obradoiros de manualidades moi divertidas, co fin de celebrar con todos vos este Nadal. Só é preciso o acompañamento dun adulto e realiza-la inscrición por teléfono (981-81.24.25) ou por correo electrónico (visitas@fundacioncela.com).
¡Esperámosvos! ¡Feliz Nadal!

EXPOSICIÓN “A COLMEA. HISTORIA DUNHAS PÁXINAS ZARANDEADAS”

Hoxe abrimos ao público unha nova exposición: ‘A colmea. Historia dunhas páxinas zarandeadas’, co gallo do 70 aniversario da súa primeira redacción.

Nesta mostra, que está organizada en colaboración coa Biblioteca Nacional de España e que se poderá visitar ata o 31 de decembro, aprécianse as distintas vicisitudes polas que pasou a novela dende a primeira versión de 1945 ata a súa redacción definitiva publicada en 1951 pola editorial Emecé de Bos Aires.

Xunto co manuscrito orixinal expóñense distintas páxinas da copia dixital do manuscrito do ano 1946, con anotacións da censura da época, edicións significativas, epistolario e un conxunto de ensaios e teses que analizan a aclamada novela, partindo da mesa de café sobre a que o autor redactaría a última versión desta obra mestra en 1948.

A estes materiais únese unha serie de achegas que completan o relato expositivo, como documentación sobre a recepción da novela na prensa, material relacionado coa expulsión de Cela da Asociación da Prensa de Madrid ou a magnífica adaptación cinematográfica realizada por Mario Camus en 1982.

Se es profesor e queres visitar esta exposición cos teus alumnos consulta a nosa programación educativa e visitas dinamizadas aquí http://camilinojosesino.blogspot.com.es/p/programacion-escolar.html (precisan reserva previa).

¡Preparando nova exposición!

¡E non paramos! Xa rematou a exposición “O pazo dos dicires escritos”, que tivo tanto éxito que ampliamos a súa duración durante todo o mes de setembro. Pero o noso espazo de exposicións temporais vase enchendo pouco a pouco cunha nova mostra que inauguraremos en breve. ¿O seu título? “Historia dunhas páxinas zarandeadas”. ¿A súa temática? Dámosvos unha pista: “Non perdamos a perspectiva, eu xa vou farta de dicilo, é o único importante”. ¿Quén se atreve a desentrañar o enigma? Entra no noso facebook ou no noso twitter e danos a túa opinión.